Degemer » Keleier » NULLET : D’ar Sadorn 22 a viz Mae : Diskouezadeg « Deomp d’ar Park ! »

NULLET : D’ar Sadorn 22 a viz Mae : Diskouezadeg “Deomp d’ar Park !”

Kinniget gant ar C'hlub Foto IUT Gwened war produerien bio Bro Gwened.

Fin ar bloaz 2019. Setu ur strollad bihan, pevar luc’hskeudenner ennañ, roet lañs dezho gant Catherine ha stag ouzh Club Photo IUT Vannes ; en em lakaat a reont en hent da luc’hskeudenniñ produerien, saverien, liorzhourien dindan ar stern ; tud a labour en ur doare bio, lec’hel, artizanel hag a skign o froduioù er rouedadoù kenwerzh berrañ.

Kement a youl gant ar broduerien da ginnig an tu-enep d’al labour-douar ijinerezhel da annezidi Bro-Gwened, kement a imor gant da reiñ ton ha lufr da zouar Breizh, a oa da vezañ treuzkaset war ar skeudennoù.

O binviji luc’hskeudenniñ ganto war o skoazioù, Catherine, Joël, Marc ha Jérôme a zo aet da redek bro a-hed maezioù Bro Gwened. Lakaet klaoustre ganto e teufe o luc’hskeudennoù: da sevel ur gelaouadenn war ar produerien-se, hag int yaouank peuliesañ, engouestlet, o labourat gant ar brasañ doujañs ouzh hor blanedenn-douar hag hor c’hornad-bro.

Ra brofo hor skeudennoù deoc’h un darn eus ar pezh hon eus desket, eus ar pezh hon eus bevet, hag a gendalc’homp da vevañ e-ser ar broduerien galonek-se. Ra voc’h kelaouet, dedennet, lakaet da vousc’hoarzhin, nec’het, bamet gant hor skeudennoù… ; ra blantint c’hoant ennoc’h da cheñch penn d’ar vazh… ma n’ho peus ket graet dija.

diskouezadeg d’ar Sadorn 22 a viz Mae e Ti ar Vro e Gwened,

etre 2e00 ha 6e30 gm

da geñver Fest Ti ar Vro #2 ha Gouel Breizh

Facebook
Twitter