Fest Ti ar Vro
Fest Ti ar Vro !
Lidet e vez sevenadur Breizh e korn-bro Gwened ‘padFest Ti ar Vro
Un devezh hag un nozvezh a fest eo, aozet aozet gant ar c’hevredigezhioù a zo ezel eus Ti ar Vro. Un devezh hag ul lec’h eo ma c’hell kejañ eno remziadoù ha revioù, ma c’hell eskemm doareoù disheñvel a ya d’ober sevenadur Breizh.
"He fal a zo bodañ ar re a ya d’ober sevenadur Breizh e Bro Gwened, ha reiñ tu d’an arvesterien da zizoloiñ pinvidigezh ha liesseurted sevenadur Breizh e Bro Gwened. "
An darvoud a zo dalc’het e-barzh ha tro-dro d’ar savadur gouestlet da Ti ar Vro, e kreiz kêr Gwened. Digoust eo ha digor d’an holl. Abadennoù niverus a zo kinniget : fest-noz, kontadennoù, diskouezadegoù, c’hoarioù, kaozeadennoù ha kinnigadennoù, atalieroù a bep seurt …
Fest Ti ar Vro a vez aozet e-doug Gouel Breizh.
Abadennoù niverus a vez kinniget e-pad ar vizvezh-se : lazioù-kanañ, festoù nooz, kontadennoù, diskouezadegoù, c’hoarioù, kaozeadennoù ha kinnigadennoù, atalieroù a bep seurt … Lec’hioù evit debriñ a zo ivez evit degemer an dud o tremen, a c’hellfe bezañ dedennet gant an aergelc’h hag o defe c’hoant pourmen eno
Eskemmoù a zo etaa-hed an deiz etre tud o tont eus pep lec’h, war o ouiziegezhioù, o istor hag o drantiz.
Al lec’h ma oa graet krampouezh a zo bet oberiant tre e-pad ar ouel. Gant tud a youl vat, a heul da heul, plijet da vezañ a-gevret, eo bet kendalc’het d’ober ha da servij, evit plijadur brasañ an dud lipous.
Fest Ti ar Vro 2019
Ar 25 a viz mae 2019 eo bet aozet Fest Ti ar Vro evit ar wech gentañ. Kalz a dud a zo bet eno a-hed an deiz, betek ma ve klozet gant ur Fest Noz. Un darn vat anezho o deus dizoloet spered ar rann a zo en dañs hag er sonerezh vreizhat. Mesk dañserien ampart gant re a oa o kregiñ gant an dañs o deus roet un dañvañ eus ar pezh a zo da vezañ gwarezet er Festoù Noz. Evit an holl eo bet seurt deiz ur varead drantiz, da c’hortoz ar wech a zeu.
An abadenn gentañ-se, en ul lec’h staliet e-kreiz Gwened, en deus roet tu da ziskouez arzourien hag artizaned sevenadur Breizh.
Plijet eo bet an dud gant liesseurted ar standoù, ha, sur a-walc’h, e vo red ivez ar wech a zeu ma vo aozet an abadenn.
Gant Radio Bro Gwened, a skignas an badenn a-hed an deiz, eo bet roet menegoù niverus d’ar re a oa o selaou. Ar c’hevredigezhioù war al lec’h a zo bet talvoudekaet abalamour da galite ar pezh o deus kinniget, ha d’o c’hoant da genderc’hel da bourchas o ouiziegezh.
Festoù Ti ar Vro o tont
LAn eil abadenn a oa sañset bezañ dalc’het an 23 a viz mae 2020. Nullet eo bet siwazh an devezh, e-giz tout an abadennoù all, abalamour d’ar “Covid 19 ». Chom a ra bev koulskoude ar mennoz hag ar c’hoant. Adlañset e vo gant un deiziad nevez pa vo tu.
Evit an emgav da zont, ez eo bet diskleriet dija gant perzhidi o doa c’hoant bezañ eno ha kemer perzh. Un doare eo evito da ziskouez pezh a grouont d’ar re a ra war dro sevenadur Breizh, ha kement d’ar re he zizolo.
"An diskouezadenn en ul lec’h digor d’an holl, a zo ur splet asur evit ma ve skignet kemennoù. Dedennet eo an dud gant seurt abadenn. Brav e vo sur a-walc’h amzer da zont Fest Ti ar Vro."
