Dre ar brezhoneg pe dre ar galleg e c’hellit dizoleiñ pinvidigezh dalc’had arbennik KDSK diwar-benn Breizh, ar brezhoneg, ar Broioù Keltiek, ar glad sevenadurel, … An dañvez lennegel embannet e brezhoneg hiziv
an deiz a ya d’ober un darn pouezus eus an dalc’had, digoret bras ivez war lennegezh Breizh e galleg ha war lennegezh ar yezhioù keltiek all.
War-dro 18 000 teul en holl a zo da vezañ sellet war al lec’h, muioc’h eget 400 titl a gelaouennoù a zo diellaouet ivez.
Niverelaat a ra KDSK skeudennoù, skritelloù ha teulioù kozh eus an domani foran evit pinvidikaat an dalc’had teuliaouiñ enlinenn war Internet. En ur niverelaat an teulioù-mañ — rouez pe re vresk alies evit
bezañ dornataet — e vo tu lakaat anezho da vezañ anavezet gant an holl.
