Nevezenti ar bloaz-mañ e steuñv
« Esteurel ul levr : emgav gant un oberour hag ur skeudennour evit ar re yaouank »
eus Mor Bihan Gwened Tolpad :
ur pennad-hent e brezhoneg !
E kenlabour gant Ti ar Vro – Bro Gwened, ti sevenadur Breizh e Bro Gwened, emañ Maryvonne Berthou deuet da vuheziñ daou stal-c’hoari, sonerezh ha brezhoneg e-leizh enno.
Kenaozet eo an abadenn gant Mor Bihan Gwened Tolpad hag arc’hantaouet ganto, e korf an obererezhioù sevenadurel « Déclic ».
Meur a abadenn a ya d’ober ar steuñv « esteurel ul levr » : abadennoù da anavezout un oberour pe un skeudennour, e ved, e zoare da labourat, e-kerz a bep seut emgavioù.
Edukatourez, komedianez ha skolaerez eo bet Maryvonne Berthou, a-raok bezañ bet o labourat evel karget a embann e TES, Ti Embann ar Skolioù. Un ti-embann pedagogel publik eo TES. Gantañ e vez savet hag embannet dafar evit an holl skolioù brezhonek, publik, prevez katolik ha Diwan.
164 bugel eus skolioù An itron-Varia e Gregam, Julie Daubié e Sant-Teve, Santez Anna e Pleskob ha skol Diwan Gwened o deus kemeret perzh en abadennoù.
Daou zevezh kinniget a-bell d’an 23 ha 24 a viz Du, ha daou zevezh er skolioù d’an 30 a viz Du ha d’ar 1ñ a viz Kerzu.
Studiet eo bet daou levr ganto en o c’hlasoù ha gant Maryvonne Berthou :
“1, 2, 3… Rimadelloù a ri !” et “Rozenn ha Fañch al Laer” Hag un abadenn margodennoù ouzhpenn.
